Ish-kryeministri i Shqipërisë, Pandeli Majko, vlerëson se me publikimin e fotos së Republikës së Kosovës me flamurin serb, Presidenti i Serbisë, Aleksandar Vuçiq, tregon se i pëlqen papajtueshmëria.

Sipas tij, ky është një problem i shtetit serb dhe i seriozitetit të zgjedhur në Beograd, shkruan arbresh.info.

“Republika e Serbisë nënshkroi një deklaratë në zyrën ovale të Shtëpisë së Bardhë për të respektuar procesin e paqes rajonale. Diplomacia e fotove në instagram zhvlerëson seriozitetin e shtetit serb në mardhëniet ndërkombëtare”, ka shkruar Majko në Facebook.

Sipas ish-Kryeministrit, sovraniteti i Republikës së Kosovë garantohet nga NATO dhe jo nga instagrami.

“Kjo është arsye e mjaftueshme që presidenti serb ti ofrojë shtetasve të vet, një të ardhme të cilën mund ta përballojnë. Roli i Gavrilo Principit në kohën e integrimit europian nuk mirëkuptohet. Serbia duhet të mos kapitullojë përballë pamundësive të saj! As në instagram!”/arbresh.info/

Vuçiqi poston Kosovën si pjesë të Serbisë, Instagrami i’a censuron pas raportimit që i’u bë nga kosovarët